Using MySQL Database with C++ on Various Platforms Including ARM Single Board Computers

Database server တွေကို ဆက်သွယ် အသုံးပြု တဲ့ C++ application တွေ ရေးသား တဲ့ အကြောင်း ဆွေးနွေး ပါမယ်။ MySQL (မိုင် အက်စ် ကျူ အယ်) က Oracle ရဲ့ open source ဖြစ်တဲ့ database management system တစ်ခု ဖြစ် ပါတယ်။ သူက free ရနိုင်ပြီး၊ robust ဖြစ်ရုံ မက ပဲ platforms တော်တော် များများ ပေါ်မှာ အလုပ်လုပ် ပါတယ်။ Odroid လို 32 bit armv7 achitecture SBC လေးတွေ ပေါ်မှာ တောင် source ကနေ build လုပ်ပြီး run နိုင်ပြီး၊ functionality တွေ စုံသလို၊ user interface မျိုးစုံ ရှိတာ မို့ နမူနာ အနေနဲ့ MySQL database serser ကို ဆက်သွယ် အသုံးပြု ပါမယ်။

MySQL server ကို traditional အတိုင်း relational database ပုံစံ နဲ့ သုံးလို့ ရသလို၊ schema ကို အသေ သတ်မှတ် စရာ မလိုတဲ့၊ NoSQL လို့လည်း ခေါ်ကြတဲ့ document store အနေနဲ့ လည်း သုံးလို့ ရပါတယ်။ Relational database မှာ သိမ်းမယ့် table ရဲ့ column အားလုံး ကြိုသိ ပြီး schema ကြိုသတ်မှတ် ဖို့ လိုပေမယ့်၊ document store ကတော့ schema flexible ဖြစ်ပြီး JSON object နဲ့ ကိုယ်စားပြု ဖော်ပြ ပါတယ်။ ဒီ နေရာမှာ relational model ရဲ့ power နဲ့ document store ရဲ့ flexibility ကို ပေါင်းစပ် အသုံးပြု လို့ ရအောင် X DevAPI ကို သုံးပြီး application တွေ ပြုလုပ် တဲ့ အကြောင်း ဆွေးနွေး ပါမယ်။

MCP3008 - Analog to Digital Converter with SPI Interface

MCP3008 က Microchip က ထုတ်တဲ့ 8-channel, 10-bit analog to digital converter ဖြစ်ပါတယ်။

Figure. MCP3008 ၏ pin များ။

သူ့ကို single ended analog input အနေနဲ့ ရှစ်ခု သုံးလို့ ရပြီး၊ differential input pair အနေနဲ့ ဆို လေးစုံ သုံးလို့ ရပါတယ်။ Power supply ဗို့ 2.7 V ကနေ 5 V အထိ သုံးလို့ ရပြီး၊ အပူချိန် -40 °C ကနေ +85 °C အထိ ခံနိုင် ပါတယ်။ SPI interface ဖြစ်ပြီး mode 0 ဒါမှ မဟုတ် mode 3 နဲ့ သုံးနိုင် ပါတယ်။

DIY Smart Surveillance Camera Using Raspberry Pi Camera and C++

RPi ကို သုံးပြီး smart surveillance ကင်မရာ တစ်ခု ကို ကိုယ်တိုင် ပြုလုပ် ဖန်တီး ကြည့် ပါမယ်။ ပုံမှန် ဘာမှ ထူးခြားမှု မရှိတဲ့ အချိန်မှာ 5x speed နဲ့ နေ့စဉ်၊ ဒါမှ မဟုတ် နာရီ အလိုက် ဗွီဒီယို ဖိုင်တွေ ခွဲပြီး record လုပ်ပေး နိုင် အောင် လုပ်ပါမယ်။ ဖမ်းယူ ရရှိတဲ့ ပုံရိပ် တွေကို analysis လုပ်နေပြီး လူ့ ကိုယ်ခန္ဓာ တွေကို တွေ့တာ နဲ့ ပုံမှာ အစိမ်းရောင် စတုဂံ နဲ့ ဘောင်ခတ် ပြပြီး၊ ပုံမှန် speed နဲ့ ပြောင်းပြီး record လုပ် ပါမယ်။ Passive infrared sensor (PIR sensor) ကိုပါ သုံးပြီး sensor က လူရိပ် ကို အာရုံခံ မိရင် လည်း၊ ပုံရိပ် မှာ အနီရောင် indicator ပြပြီး၊ ပုံမှန် နှုန်းနဲ့ ပြောင်း record လုပ်နိုင် ပါမယ်။

ဒီ နမူနာ ပရိုဂရမ် မှာ လုပ်လို့ ရတဲ့ အကြောင်း ကုဒ် အကြမ်း ရေးကြည့် ရုံ ဖြစ်ပြီး၊ တစ်ခုခု ထူးခြားရင် ကိုယ့်ရဲ့ အီးမေးလ် ကို လှမ်းပို့ တာ၊ အိမ်က လူတွေ ရဲ့ မျက်နှာကို မှတ်မိတာ၊ သတ်မှတ် ထားတဲ့ အချိန် အပိုင်း အခြား အလိုက် လိုသလို record လုပ်တာ စတာ တွေကို စိတ်ကူး ရှိရင် ရှိသလို ထပ်ဖြည့် နိုင် ပါတယ်။

Figure. PIR sensor ကို ချိတ်ဆက်ခြင်း။

UDP/TCP Socket Programming with wxWidgets

1. နိဒါန်း
2. UDP
3. TCP
   • TCP Server
   • TCP Client
4. အကိုးအကားများ

နိဒါန်း

wxWidgets နဲ့ UDP ၊ TCP တို့ကို သုံးပြီး network ပေါ်မှာ ဒေတာ အပြန် အလှန် ပေးပို့ ဆက်သွယ် တဲ့ အကြောင်း ဆွေးနွေး ချင် ပါတယ်။ အဲဒီ အတွက် wxWidgets ကို တပ်ဆင် ထားဖို့ လိုပါ တယ်။ သူ့ကို platform အမျိုးမျိုး အတွက် တပ်ဆင်တဲ့ အကြောင်း တွေကို အောက်က လင့်ခ် မှာ ဖတ်နိုင် ပါတယ်။

• Cross-platform C++ programming with wxWidgets

အင်တာနက် စတဲ့ network တွေ ပေါ်မှာ TCP ဒါမှမဟုတ် UDP တွေသုံးပြီး စက်တစ်ခု နဲ့ တစ်ခု ဒေတာ တွေ အပြန်အလှန် ပို့ဖို့ အတွက် socket တွေကို အသုံးပြု နိုင် ပါတယ်။ ခေတ်ပေါ် operating system တွေ အားလုံးက socket layer ကို အထောက် အပံ့ ပေးကြ ပေမယ့် platform ပေါ်မူ တည်ပြီး socket ကို အသုံး ပြုရတဲ့ ပုံစံ တွေက အမျိုးမျိုး ကွဲပြား နိုင်ပါတယ်။ wxWidgets မှာ အောက်ခံ platform အတွက် ပူစရာ မလိုပဲ အလွယ် တကူ အသုံးပြုနိုင်တဲ့ socket class ပါ ပါတယ်။ အဲဒီ class ကို မတူညီတဲ့ ပုံစံ နည်းလမ်း အမျိုးမျိုး နဲ့ အသုံးပြုနိုင်ပြီး၊ အသုံးပြုပုံ နမူနာ တချို့ကို အောက်မှာ ဆက်ပြီး ဖော်ပြထား ပါတယ်။

OpenCV with wxWidgets

1. နိဒါန်း
2. Linux
   • Code::Blocks
3. Windows
   • Visual Studio
4. အကိုးအကားများ

နိဒါန်း

OpenCV ကို wxWidgets နဲ့ တွဲသုံး တဲ့ အကြောင်း ဆွေးနွေး ချင် ပါတယ်။ အဲဒီ အတွက် OpenCV နဲ့ wxWidgets တို့ကို တပ်ဆင် ထားဖို့ လိုပါ တယ်။ သူတို့ ကို platform အမျိုးမျိုး အတွက် တပ်ဆင်တဲ့ အကြောင်း တွေကို အောက်က လင့်ခ် တွေမှာ ဖတ်နိုင် ပါတယ်။

• Cross-platform C++ programming with wxWidgets
• OpenCV on Linux using g++, CMake, Qt, Code::Blocks
• OpenCV on Windows Using Visual Studio

Linux

Linux နဲ့ terminal ပေါ်မှာ command ရိုက်ထည့် ပြီး build လုပ်တာ လွယ်ကူ ရိုးရှင်း ပါတယ်။ နမူနာ အနေနဲ့ wxcvsimple.cpp (online) ဆိုတဲ့ ရိုးရှင်း တဲ့ ပရိုဂရမ် လေး တစ်ခု ရေးကြည့် ပါမယ်။ ပရိုဂရမ် အစမှာ Application ရဲ့ OnInit() ဆိုတဲ့ method ထဲမှာ

wxInitAllImageHandlers();

ဆိုတာကို ထည့်ပါမယ်။ အဲဒီနောက် MyFrame ဆိုတဲ့ wxFrame ရဲ့ derived class ထဲမှာ ပုံရိပ် တွေကို ဖော်ပြဖို့ wxStaticBitmap variable တွေကို ကြေငြာ လိုက် ပါမယ်။ MyFrame ရဲ့ constructor မှာ wxStaticBitmap တွေကို ဖန်တီးဖို့ အောက်က ကုဒ် ကို သုံးနိုင် ပါတယ်။

OpenCV on Linux using g++, CMake, Qt, Code::Blocks

1. နိဒါန်း
2. GCC ၊ CMake တို့ဖြင့် အသုံးပြုခြင်း
3. Qt ဖြင့် အသုံးပြုခြင်း
4. Code::Blocks ဖြင့်အသုံးပြုခြင်း
5. အကိုးအကားများ

နိဒါန်း

OpenCV ကို Linux တွင် တပ်ဆင် ရန် ပထမ အဆင့် အနေနှင့် အောက်ပါ packages များ စက်ထဲ တွင် ရှိရန် လိုအပ် သည် [Ope17g]။

• GCC 4.4.x or later
• CMake 2.6 or higher
• Git
• GTK+2.x or higher, including headers (libgtk2.0-dev)
• pkg-config
• Python 2.6 or later and Numpy 1.5 or later with developer packages (python-dev, python-numpy)
• ffmpeg or libav development packages: libavcodec-dev, libavformat-dev, libswscale-dev
• [optional] libtbb2 libtbb-dev
• [optional] libdc1394 2.x
• [optional] libjpeg-dev, libpng-dev, libtiff-dev, libjasper-dev, libdc1394-22-dev

ထို packages များအား စက်ထဲသို့ ထည့်သွင်း လိုပါက Synaptic Manager သုံး၍ သော် လည်းကောင်း၊ terminal တွင် အောက်ပါ စာရင်း များပါ command များ ရိုက်နှိပ်၍ သော် လည်းကောင်း ထည့်နိုင် သည်။

Cross-platform C++ programming with wxWidgets

1. နိဒါန်း
2. Windows တွင်တပ်ဆင်ခြင်း
   • wxDev-C++ ဖြင့်အသုံးပြုခြင်း
   • Visual Studio ဖြင့်အသုံးပြုခြင်း
3. Linux တွင်တပ်ဆင်ခြင်း
   • wxWidgets ကို source မှ build လုပ်ခြင်း
   • Code::Blocks ဖြင့်အသုံးပြုခြင်း
4. Mac တွင်တပ်ဆင်ခြင်း
   • Codelite ဖြင့်အသုံးပြုခြင်း
5. အကိုးအကားများ

နိဒါန်း

wxWidgets က Windows ၊ Linux နဲ့ Mac OSX အစ​ ရှိ​တဲ့ ပ​လက်​ဖောင်း အမျိုး​မျိုး ပေါ်​မှာ GUI applications တွေ ရေး​ဖို့ အတွက် C++ library ပါ။ သူ​နဲ့ GUI code တွေ ရေး​ပြီး​ ရင် ပ​လက်​ဖောင်း အမျိုး​မျိုး ပေါ်​မှာ ကုဒ် ကို သိပ်​ပြင်​ စရာ မ​လို​ပဲ တန်း​ပြီး compile လုပ်၊ run လုပ်​လို့​ ရ​ပါ​တယ်။

wxWidgets ​က free လည်း​ပေး open source လည်း ​ဖြစ် တဲ့ software ပါ။ ကိုယ်​ပိုင် ဆော့​ဝဲ တွေ​ ထုတ်​မယ်​ ဆို​ရင် လည်း ဘာ​မှ ကန့်​သတ်​ချက်​ တွေ မ​ရှိ​ ပါ​ဘူး [wxW98]။ အဲဒါက Qt နဲ့ အဓိက ကွာခြားချက် ပါ။ Qt က LGPLv3 လိုင်စင် ကို free ပေးထားပြီး၊ ကိုယ်ပိုင် စီးပွားရေး အတွက် သုံးမယ် ဆိုရင် ကန့်သတ်ချက် တချို့ ရှိတာကြောင့် လိုင်စင် ဝယ်ဖို့ လိုကောင်း လိုနိုင် ပါတယ် [Qt17]။

Native platform ကို တတ်နိုင် သလောက် သုံးထား တာမို့ wxWidgets သုံးလို့ ရလာတဲ့ GUI တွေဟာ သုံးတဲ့ platform နဲ့ လိုက်ဖက်ပြီး ပင်ကို အမြင် အတိုင်း တသားထဲ ကျ တာကို ခံစား ရမှာပါ [wxW12]။ Standard C++ ကိုပဲ သုံးထားပြီး Qt တို့လို အထူး extension တွေ မသုံးထား တဲ့ အတွက် ရှုပ်ထွေးမှု နည်းတာ ကလည်း ကောင်းတဲ့ အချက် တစ်ခုပါ။

wxWidgets နဲ့ ရလာတဲ့ binary application တွေဟာ သေးငယ် ပေါ့ပါး တာမို့ embedded system တွေအတွက် အထူး သင့်တော် ပါတယ်။ နောက်တစ်ခါ library အရွယ်အစား တွေ ယှဉ်ရင်လည်း ဥပမာ အနေနဲ့ Qt library ကို တပ်ဆင်ရင် \(\approx 200\) MB လောက် အရွယ် ရှိပေမယ့် wxWidgets library က \(\approx 30\) MB လောက်ပဲ ယူပါတယ်။

wxWidgets က C++ အတွက် သာ မကပဲ python, perl, php, java, lua, lisp, erlang, eiffel, C# (.NET), BASIC, ruby နဲ့ javascript အတွက် တောင်မှ bindings [wxW15a] တွေ ရှိပါတယ်။ wxWidgets က တော်တော် ပြည့်စုံ ရင့်ကျက် တဲ့ GUI toolkits ဖြစ်ပြီး၊ utility classes လည်း အများကြီး ရှိတာမို့ ကောင်းမွန် သင့်တော် တဲ့ GUI toolkits အနေနဲ့ ညွှန်းဆို ချင်ပါတယ်။

wxWidgets ကို အသုံးပြုတဲ့ သူတွေ၊ အဖွဲ့အစည်းတွေ အများကြီး ရှိပြီး အဲဒီ အထဲမှာ လူသိများ တာတွေက NASA, AMD, Xerox, နဲ့ Open Source Applications Foundation (OSAF) တို့ ဖြစ်ပါတယ်။ ထင်ရှားတဲ့ wxWidgets applications တွေက AVG AntiVirus, Audacity, Filezilla, Code::Blocks, CodeLite တို့ ဖြစ်ပါတယ်။

Pixy

Arduino, Raspberry Pi, BeagleBone စတာ တွေနဲ့ Computer Vision အလွယ်တကူ တွဲသုံး ချင်ရင် Pixy (http://cmucam.org/projects/cmucam5) ဆိုတဲ့ Vision System လေး သုံးရတာ လွယ်ကူ အဆင်ပြေ ပါတယ်။ ကိုယ် detect လုပ်ချင် တဲ့ အရာ ဝတ္တု တွေရဲ့ အရောင် ကို သင်ပေး ပြီးတာနဲ့ သူတို့ ကို အာရုံခံ ပေးပြီး နေရာ၊ အရွယ် စတာ တွေကို UART, SPI, I2C အစရှိတဲ့ interface တွေ နေ ပို့ ပေးနိုင် ပါတယ်။

KiCad အားစတင်အသုံးပြုခြင်း

KiCad ဆိုတဲ့ free software လေးက PCB ဆားကစ်ဘုတ်တွေ ဒီဇိုင်း လုပ်ဖို့ တော်တော် အဆင်ပြေတယ်။ အလကားပေးထားတာရယ်၊ ကန့်သတ်မှုတွေ မရှိပဲ စိတ်ကြိုက်သုံးနိုင်တာတွေရယ်ကိုတော်တော်သဘောကျမိတယ်။ စီးပွားဖြစ် အမြောက်အများထုတ်ရင် အသုံးဝင်တဲ့ BoM ၊ Gerber ဖိုင် လိုမျိုးတွေထုတ်ဖို့၊ ဒီဇိုင်းကို 3D မြင်ကွင်းနဲ့ ကြည့်ဖို့ တွေအတွက်ပါ ကိရိယာတွေပါတယ်။ Olimex တို့လို နာမည်ကြီး development ဆားကစ်ဘုတ် ပစ္စည်းကိရိယာ တွေလုပ်ရောင်းတဲ့ ကုမ္ပဏီတွေတောင် အခုနောက်ပိုင်း KiCad ကို ပြောင်းသုံးတယ်ဆိုပါတယ် [KiCad on Wikipedia]။

ကျွန်တော် ကိုယ်တိုင်လည်း ဆားကစ်ဘုတ် တချို့လုပ်ပြီး သုံးကြည့်တာ အားလုံး အဆင်ပြေတာ တွေ့ရတယ်။ ဒါနဲ့ ကိုယ်တိုင်သုံးကြည့်လို့ ရတဲ့ အတွေ့အကြုံ၊ နည်းလမ်းလေးတွေကို စုပြီး မှတ်ထားချင်တာနဲ့ ၊ သူ့ရဲ့ Getting Started guide နဲ့ပေါင်းစပ်ပြီး၊ ကောင်းမယ်ထင်တဲ့ နမူနာလေးတွေနဲ့ မြန်မာလို KiCad သုံးနည်းစာအုပ်လေး ရေးဖြစ်တယ်။ စိတ်ဝင်စားရင် အောက်ကလင့်ခ်မှာ ယူပြီး ဖတ်ကြည့်ပါဦး။

https://yan9a.github.io/KiCad/kicadmm.pdf

Flash content protection for LPC824

LPC824 low cost 32-bit ARM Cortex-M0 microcontroller လေးကို OM13071 LPCXpresso824-MAX Development board သုံးပြီး evaluate လုပ်လို့ရတဲ့ အတွေ့အကြုံလေးကို ပြောချင်ပါတယ်။ Board မှာ သုံးထားတဲ့ MCU အမျိုးအစားက LPC824M201JHI33 ပါ။ အရွယ်အစား က 5 x 5 x 0.85 mm ပဲရှိတဲ့ 33 pins ပါတဲ့ HVQFN package ပါ။

သူ့အတွက် MCUXpresso Integrated Development Environment (IDE) ကို download လုပ်ပြီး၊ install လုပ်ပါမယ်။ အခြား လိုအပ်တဲ့ tools တွေကိုလည်း ဒီမှာ တွေ့နိုင်ပါတယ်။ MCUXpresso ကိုဖွင့် ပြီး workspace သတ်မှတ်ပြီးတဲ့ အခါ ဘယ်ဘက်အောက်နားက Quick Start Paner ထဲက Import projects from file system ... ဆိုတာကိုနှိပ်ပြီး Browse LPC open resources ကိုနှိပ်ပြီး နမူနာ တွေကို ယူနိုင်ပါတယ်။