MacRitchie reservoir park က Lornie Rd နဲ့ Upper Thomson Rd ဆုံတဲ့ ထောင့်နားမှာ Mount Alvernia Hospital နဲ့ မျက်နှာချင်းဆိုင် လောက်မှာ ရှိပါတယ်။ အိမ်နဲ့လည်း ဘပ်စ်ကား သုံးမှတ်တိုင် လောက်ပဲ ဝေးတာမို့ တရက်က အဲဒီမှာ sunset ဓာတ်ပုံတချို့ သွားရိုက်ဖြစ်ပါတယ်။ ကင်မရာ အသစ်ဝယ်ဖြစ်တာနဲ့ သွားစမ်းရိုက်ကြည့်တာပါ။ အဲဒီ MacRitchie Reservoir Park ကနေ HSBC treetop walk ထိ လမ်းလျှောက်သွားလို့ရတဲ့ hiking route လည်းရှိပါတယ်။ ကျွန်တော်ကတော့ ပန်းခြံ နားမှာပဲရိုက်တာပါ။
Sunday, February 22, 2015
Monday, February 16, 2015
A Visit to Bali
ဘာလီ ဆိုတဲ့ နေရာ ကို အစက ငပလီတို့လို ပင်လယ်ကမ်းခြေပဲထင် နေတာ၊ နောက်မှ တကယ်သွားလည်မှ ကမ်းခြေတင် မကဘဲ မြန်မာပြည်က ပုဂံလိုမျိုး ရှေးဟောင်း အမွေအနှစ် ဘုရားကျောင်းတွေ၊ ငေးမောဖွယ်ရာ အနုပညာလက်ရာတွေ၊ အက စတဲ့ ကြာရှည်မြင့်မားတဲ့ ရိုးရာ ယဉ်ကျေးမှုတွေ၊ တိမ်တွေကြားက မီးတောင်တွေ၊ စိမ်းလန်းလှပတဲ့ ရှုခင်းတွေ နဲ့ ဘာလီ ပါလား ဆိုတာ တွေ့မြင် ခဲ့ရတယ်။ ငယ်ငယ်တုန်း ကတည်းက ကြားဖူးခဲ့တဲ့ ဖြူသီရဲ့ ပိုလာဘာလီ ဆိုတဲ့ သီချင်းကြောင့်လည်း ဘာလီဆိုတဲ့ နေရာကို စိတ်မှန်းနဲ့ ရင်းနှီးခဲ့၊ ပိုသွားချင်ခဲ့တာပါ။
အဲဒီက လူတွေက ဖော်ရွေ ကြတာများ ပါတယ်။ အစားအသောက် တွေကို တော့ ထိုင်းတို့၊ မလေးတို့လောက် သိပ်မကြိုက်လှ သလို၊ စျေးကလည်း သိပ်မသက်သာလှ ပါဘူး။
သွားရေးလာရေး ကတော့ ကားစင်းလုံးငှားရတာ သက်သာသလို လွယ်ကူ အဆင်ပြေလှ ပါတယ်။
Subscribe to:
Posts (Atom)